İsraildən Suriyaya aviazərbələr: 7 "Hizbullah"çı öldürüldü

İsrail ordusu Suriyanın paytaxtı Dəməşqə aviazərbələr endirib.

"Al-Hadat" xəbər verir ki, bu barədə Suriyanın Müdafiə Nazirliyi məlumat yayıb.

Məlumata görə, İsrail Hərbi Hava Qüvvələri Qolan təpələrindən Dəməşqin cənubundakı bir sıra mülki obyektlərə zərbələr endirib və bu, müəyyən dağıntılara səbəb olub.

"Al-Hadat"ın məlumatına görə, aviazərbələr endirilən ərazilərdə "Hizbullah"ın hərbi birləşmələri var. İsrail ordusu isə bildirib ki, onlar "Hizbullah"ın kəşfiyyat qərargahını hədəf alıb. Hücum nəticəsində 7 "Hizbullah" döyüşçüsü öldürülüb.