Fransadan İrana sərt reaksiya
- 14-10-2022, 13:54
- dunya
- 162 957
PUA-ların Rusiyaya verilməsi BMT TŞ-nin qətnaməsinin pozulması deməkdir
Fransa Xarici İşlər Nazirliyi İrana məxsus PUA-ların Rusiyaya təhvil verilməsini BMT Təhlükəsizlik Şurasının 2015-ci ildə İranın nüvə sazişini təsdiq edən qətnaməsinin pozulması kimi dəyərləndiriləcəyini bəyan edib.
Bunu Fransa XİN sözçüsü Ann-Kler Legendre deyib.
Rusiya silahlı qüvvələrinin Ukraynada İran PUA-larından istifadə etməsi ilə bağlı çoxlu sayda faktları qeyd edən rəsmi Paris bildirib ki, PUA-ların Rusiyaya tədarükü də BMT TŞ-nin 2231 saylı qətnaməsini pozur.
O əlavə edib ki, Fransa öz avropalı tərəfdaşları ilə İrana məxsus PUA-ların Rusiyaya verilməsinə necə cavab vermək barədə danışıqlar aparır.
