Xarici ölkələrin hərbi attaşelərinin Gəncəyə səfəri başlayıb - FOTO

Azərbaycanda akkreditə olunmuş 10-dan artıq xarici ölkənin 20-yə yaxın hərbi attaşesi Müdafiə Nazirliyinin təşkilatçılığı ilə Gəncə şəhərinə səfər edib.

“Qafqazinfo xəbər verir ki, hərbi attaşelər Gəncədə Ermənistan silahlı qüvvələrinin raket hücumları nəticəsində şəhid olan mülki əhalinin xatirəsinə qoyulmuş memorial kompleksi ziyarət edəcəklər.

Səfər çərçivəsində diplomatlar ermənilərin Gəncədə törətdikləri terrorla yerində tanış olacaqlar.