Makrondan Ukrayna narahatlığı: Bizsiz olmaz!

Kiyev mövcud reallıqlar əsasında münaqişəni həll edərkən ərazi məsələlərini müzakirə etməlidir.

Bunu Fransa prezidenti Emmanuel Makron deyib.

Fransa səfirlərinin Parisdə keçirilən konfransında çıxış edən Makron Ukrayna münaqişəsinin gələcəyi ilə bağlı bunları deyib: “Ukrayna ərazi məsələləri ilə bağlı real müzakirələr aparmalı olacaq. Münaqişənin həlli üçün Ukrayna yalnız bu məsələləri müzakirə edə bilər”.

Fransa prezidenti eyni zamanda onu da qeyd edib ki, Ukraynada nizamlanma sadə və asan ola bilməz. “Ukraynanın iştirakı olmadan Ukrayna ilə bağlı sülh təşəbbüsləri ola bilməz və Avropanın iştirakı olmadan Avropanın təhlükəsizliyi təmin edilə bilməz”, - Makron vurğulayıb.