Rusiya rublu rekord səviyyədə ucuzlaşdı
- 24-02-2022, 12:09
- iqtisadiyyat
- 156 643
Rusiyanın Ukraynanın paytaxtı Kiyev şəhərindəki strateji obyektləri raket atəşinə tutması rublu rekord səviyyədə ucuzlaşdırıb.
Rusiya rublu dollar qarşısında 5,77% ucuzlaşaraq 86,1198 səviyyəsinə enib.
Hadisələr fonunda daha çox ucuzlaşma nümayiş etdirən valyutalardan biri də avro olub. Avro 0,84% ucuzlaşaraq 1,1209 dollara düşüb, bu da yanvarın 31-dən bəri ən aşağı səviyyə olub.
Təhlükəsiz sığınacaq valyutaları kimi Yapon yeni və ABŞ dollarına tələb artıb.
Avro Yapon yeni qarşısında bir aylıq minimumuna çatıb və 1,28% ucuzlaşaraq təxminən 128,37 yen olub. İsveçrə frankı qarşısında isə 2015-ci ildən bəri ən aşağı səviyyəyə enib və 0,84% azalaraq 1,0292 İsveçrə frankı olub.
