https://bizimhedef.com/ ru https://bizimhedef.com/index.php?newsid=56985 https://bizimhedef.com/index.php?newsid=56985 56985 Thu, 17 Sep 2026 18:39:26 +0400 native-yes

Azərbaycan Prezidenti İlham Əliyev və birinci xanım Mehriban Əliyeva sentyabrın 17-də Şamaxıda Pir Ömər Sultan ziyarətgahında aparılan konservasiya işləri ilə tanış olublar.

“Tarixi Pir Ömər Sultan ziyarətgahı Şamaxı rayonunun Avaxıl kəndində yerləşir.

Burada aparılan ilkin arxeoloji tədqiqatlar nəticəsində XIV əsrin ortalarına aid türbə qalıqları və onun məhz xəlvətilik təliminin banisi Pir Ömər Avaxılıya aid olduğunu təsdiqləyən artefaktlar tapılıb.

Prezident İlham Əliyev və birinci xanım Mehriban Əliyeva 2020-ci ildə Şamaxıya səfərləri çərçivəsində ziyarətgahda olub və abidədə konservasiya işlərinin aparılmasına dair tapşırıqlar veriblər.
Ziyarətgahın çay və qaya daşlarından tikilmiş qalıqları ötən müddət ərzində Heydər Əliyev Fondunun dəstəyi ilə konservasiya edilib. Ziyarətgahın içərisində Pir Ömər Avaxılıya, kənarlarında isə başqa şəxslərə aid 8 qəbir aşkar edilərək səliqəyə salınıb. Ziyarətgahın və onun ətrafının konservasiya işlərindən sonra qorunması üçün eyni daş materialından divar hörülüb. Divarın üzərində 16 metr hündürlüyündə səkkizbucaqlı metal konstruksiyadan hazırlanmış çardaq qurulub. Ziyarətgah və onun ətrafında konservasiya olunan sahədə buraya gələnlər üçün gəzinti zolağı yaradılıb. Aparılan işlər zamanı təbiətə və ətrafdakı qəbirlərə ziyan dəyməməsinə xüsusi diqqət yetirilib.

Qeyd edək ki, bu ziyarətgahın bərpası dini-tarixi abidələrin qorunub saxlanılması istiqamətində dövlət tərəfindən həyata keçirilən kompleks tədbirlərin tərkib hissəsidir. Pir Ömər Sultan ziyarətgahının konservasiyasının Heydər Əliyev Fondunun dəstəyi ilə aparılması isə Fondun ölkəmizdə dövlət səviyyəsində icra edilən bu işlərə verdiyi böyük dəstəkdir.
]]> https://bizimhedef.com/index.php?newsid=56984 https://bizimhedef.com/index.php?newsid=56984 56984 Thu, 17 Sep 2026 18:05:30 +0400 native-yes

Azərbaycan Həmkarlar İttifaqları Konfederasiyasının (AHİK) “AHİK könüllüləri” layihəsinin iştirakçıları Azərbaycan Respublikası Prezidentinin İşlər İdarəsinin Prezident Kitabxanasında olublar.

aia.az xəbər verir ki, AHİK könüllüləri kitabxananın zəngin informasiya-biblioqrafiya fondu, nadir nəşr nümunələri, müasir standartlara cavab verən elektron resursları və müxtəlif mövzuları əhatə edən xüsusi kolleksiyaları ilə maraqlanıblar.

Kitabxana əməkdaşları gənclərə müəssisənin tarixi, oxu zallarının fəaliyyəti, eləcə də dövlətçilik tariximizi əks etdirən nəşrlər barədə ətraflı məlumat veriblər.
Ziyarət çərçivəsində AHİK könüllüləri Prezident Kitabxanasının rəsmi oxucuları sırasına daxil ediliblər. Bu təşəbbüs gənclərin şəxsi və peşəkar inkişafına, elmi-tədqiqat prosesinə cəlb olunmasına, eləcə də gələcək fəaliyyətlərində etibarlı informasiya mənbələrindən səmərəli istifadə imkanlarının genişləndirilməsinə xidmət edir.

]]> https://bizimhedef.com/index.php?newsid=56962 https://bizimhedef.com/index.php?newsid=56962 56962 Thu, 17 Sep 2026 16:00:54 +0400 native-yes

Neft qiymətlərinin 100 dollardan yuxarı qalxması qlobal miqyasda yanacaq böhranını dərinləşdirib.

Suriya, İndoneziya, Filippin, Nepal, Qvatemala, Portuqaliya və Fransa daxil olmaqla bir çox ölkədə qiymət artımı və yanacaq qıtlığı etirazlara səbəb olub. Bəzi ölkələrdə tətillər, yolların bağlaması və istehsalın dayandırılması halları yaşanıb. Hökumətlər isə subsidiya və qiymət məhdudiyyəti kimi tədbirləri işə salmağa başlayıblar.

Neftin barel qiymətinin 100 dolları ötməsi qlobal enerji bazarlarının hüdudlarını aşaraq birbaşa gündəlik həyata təsir etməyə başlayıb. Enerji təchizatındakı daralma nəqliyyat və elektrik xərclərini artırarkən, xüsusilə enerji idxalından asılı olan inkişaf etməkdə olan iqtisadiyyatlarda təzyiq daha kəskin hiss olunur.

Ən böyük etirazlardan bəziləri Suriyada yaşanıb.

Hökumətin dizel yanacağının qiymətini müvəqqəti olaraq təxminən 40 faiz artıraraq litr üçün 175 Suriya funtuna qaldırması, benzinin qiymətində isə 25 faizdən çox artım etməsi narazılığa səbəb olub. Nümayişçilər təkərlər yandıraraq bəzi yolları bağlayıblar. Həsəkə-Deyr əz-Zor avtomobil yolu da etirazların baş verdiyi məntəqələr arasındadır. Suriya rəhbərliyi isə qiymət artımını qlobal yanacaq qiymətlərindəki yüksəliş və Baniyas Neft Emalı Zavodundakı təmir işləri səbəbindən idxaldan asılılığın artması ilə izah edib.

İndoneziyada yanacaq qıtlığı, elektrik kəsilmələri və norma ilə paylanma tətbiqləri etirazlara yol açıb.

Cənubi Sulavesinin Makassar şəhərində benzin və məişət qazı qıtlığının yaşandığı bildirilir. Taksi sürücləri nəqliyyat vasitələrinin dövlət nömrə nişanlarının tək və ya cüt rəqəmlə bitməsinə görə tətbiq edilən yanacaq məhdudiyyətinə etiraz ediblər. Cokyakartada da tələbələr artan yanacaq qiymətlərinə qarşı nümayişlər keçiriblər.

Filippində ard-arda gələn yanacaq artımlarından sonra nəqliyyat işçiləri tətilə başlayıblar.

Sürücülər hökumətdən subsidiya verilməsini və yanacaq vergilərinin ləğv olunmasını tələb ediblər. Artan xərclərin qazanclarının böyük hissəsini əritməsi səbəbindən avtobus sürücləri və taksi tətbiqlərində çalışanlar da etirazlara qoşulublar. Manila körfəzi ətrafındakı bəzi balıqçıların isə qayıqlarına yanacaq ala bilmədikləri üçün dənizə çıxa bilmədikləri bildirilib. Qonşu Vyetnamda da taksi tətbiqlərinin sürücləri artan yanacaq xərclərinə qarşı boykot çağırışı ediblər.

İstehlak etdiyi neftin 90 faizindən çoxunu idxal edən Banqladeşdə enerji böhranı sənaye istehsalına da zərbə vurub.

Elektrik qıtlığı səbəbindən enerji istifadəsinə məhdudiyyətlər qoyularkən, bəzi hazır geyim fabrikləri müvəqqəti olaraq istehsalı dayandırmaq məcburiyyətində qalıb. Qaz qıtlığı səbəbindən dizel istifadəsinə yönələn müəssisələr bu dəfə də artan dizel qiymətləri ilə üz-üzə qalıblar. Qazipurdakı bir fabrikdə elektrik kəsilmələrinin gündə dörd-beş dəfə baş verdiyi bildirilib.

Şri-Lankada yanacaq paylayıcıları yeni qiymət artımı gözləntisi səbəbindən təchizatı məhdudlaşdırmağa başlayıblar.

Səlahiyyətlilər dövlət tərəfindən müəyyən edilən yanacaq qiymətlərinin artırılması ilə subsidiya tətbiq edilməsi seçimlərini qiymətləndirirlər. Yüksək borc yükü səbəbindən hökumətin istehlakçını dəstəkləmək üçün atacağı addımların dövlət maliyyəsi üzərində yeni təzyiq yarada biləcəyi vurğulanır.

Pakistan rəhbərliyi isə artan qiymətlərin vətəndaşlara təsirini azaltmaq məqsədilə motosikletlər, rikşalar və kiçik avtomobillər üçün litr başına 100 rupi subsidiya açıqlamaq yolunu seçib.

Qərarın yüksək yanacaq qiymətlərinə və neft vergisinə qarşı keçirilən etirazlardan sonra verilməsi enerji böhranının hökumətlər üzərindəki təzyiqini aydın göstərir.
Nepalın paytaxtı Katmanduda tələbələr məişət qazı qıtlığına etiraz ediblər.

Nümayişçilər artan yaşayış xərclərinin ev təsərrüfatları üzərindəki yükünün ağırlaşması səbəbindən hökumətdən təcili tədbir görməsini tələb ediblər.

Böhranın təsirləri Latın Amerikasına da çatib. Qvatemalada yük maşını sürücləri və digər etirazçılar bəzi avtomobil yollarını bağlayıblar.

Yerli qruplar və nəqliyyat işçiləri də paytaxtda yürüş təşkil edərək hökumətdən müdaxilə tələb ediblər. Ölkə Konqresində yanacaq qiymətlərinin ilin sonunadək məhdudlaşdırılmasını nəzərdə tutan layihə qiymətləndirilir. Plan çərçivəsində qiymətlərin müəyyən olunmuş tavanı keçəcəyi təqdirdə aradakı fərqin dövlət dəstəyi ilə qarşılanması gündəmdədir.

Yanacaq qiymətlərinə qarşı narazılıqlar Avropada da özünü göstərib. Portuqaliyada sürücülər avtomobilləri ilə nəqliyyatı ləngitmə aksiyaları təşkil edərkən, Espinyodakı nümayişçilər Baş nazir Luış Monteneqronun evinə doğru yürüş ediblər.

Hökumət yükdaşıma şirkətləri, taksi sürücləri, yanğınsöndürənlər və sosial sektor üçün dəstək tədbirləri elan edib.

Fransanın cənubunda isə təxminən 50 balıqçı Fos-sür-Merdəki böyük bir yanacaq anbarının girişini bağlayıb.

Etirazçılarla polis arasında qısamüddətli qarşıdurma yaşanıb. Yerli hakimiyyət orqanları balıqçılıq sektorunun ciddi böhranla üz-üzə qaldığını və mərkəzi hökumətdən təxirəsalınmaz müdaxilə gözlənildiyini açıqlayıb.
Neft qiymətlərinin uzun müddət yüksək səviyyədə qalacağı təqdirdə böhranın daha geniş iqtisadi problemə çevrilə biləcəyinə diqqət çəkilir. Dizel - yük maşınlarından avtobuslara, balıqçı qayıqlarından kənd təsərrüfatı texnikasına və fabriklərə qədər iqtisadiyyatın bir çox sahəsində istifadə olunur. Bu səbəbdən yanacaqdakı artım qısa müddətdə ərzaq, nəqliyyat və digər təməl ehtiyacların qiymətlərinə reflected olunur.

Hökumətlərin qarşısında iki çətin seçim var: subsidiya, vergi güzəştləri və ya qiymət tavanı ilə istehlakçını qorumaq dövlət maliyyəsinin yükünü artırır; qiymət artımlarını birbaşa vətəndaşa əks etdirmək isə inflyasiyanı və ictimai narazılığı böyüdür. Neft qiymətlərindəki yüksəliş beləliklə qlobal enerji böhranından bahalaşma və yaşayış çətinliyi probleminə çevrilir.musavat.com]]> https://bizimhedef.com/index.php?newsid=56964 https://bizimhedef.com/index.php?newsid=56964 56964 Thu, 17 Sep 2026 15:30:43 +0400 native-yes

Azərbaycanda uzun müddətdir ki, peşəkar ordu modelinə keçid məsələsi müzakirə olunur. Türkiyədəki kimi ödənişli hərbi xidmətin tətbiqi, yaxud Gürcüstandakı kimi peşəkar hərbi xidmət modelinə keçid məsələsi də Azərbaycanda tez-tez gündəmə gəlir. Bunun həm mənfi, həm də müsbət tərəfləri var. Azərbaycan tərəfi bu məsələni hərtərəfli hesablamalı və ondan sonra qərar verməlidir. Birinci növbədə nəyi hesablamaq lazımdır? Rusiya-Ukrayna müharibəsi göstərdi ki, əslində peşəkar ordu modelinin o qədər də ciddi effekti yoxdur. Yəni ordunun çağırışçılardan da formalaşması itkilərin yerini doldurmağı daha asan edir. Rusiya tərəfi bunu bu formada həyata keçirdi. Əslində Avropa ölkələrinin bir çoxu da açıq şəkildə qeyd edir ki, çağırışçılardan ibarət ordu sistemini yenidən formalaşdırmaq lazımdır.

Bu sözləri axar.az-a açıqlamasında hərbi ekspert Səxavət Məmmədov deyib.

Onun sözlərinə görə, Almaniyada və Avropanın bir çox ölkəsində bununla bağlı işlər görülür:

“Hələlik isə ortada bir nəticə yoxdur. Çünki insanların bir çoxu orduya getmək istəmir. Amma real vəziyyət ondan ibarətdir ki, müharibələr göstərdi ki, çağırışçılardan formalaşan ordu daha effektivdir. Məsələn, Azərbaycan 44 günlük müharibədə və ondan sonrakı müharibə dönəmində qismən səfərbərlik həyata keçirdi. Ordu onsuz da çağırışçılardan ibarət idi.

Ödənişli hərbi xidmətin tətbiqinə gəlincə, Azərbaycan torpaqlarını işğaldan azad etsə də, ortada hələ sülh müqaviləsi yoxdur. Sülh müqaviləsinin olmaması bir yana, digər tərəfdən regionda təhdidlər var. Bu təhdidlərin qarşısını almaq, yaxud müstəqilliyi və suverenliyi qorumaq üçün Azərbaycanda kifayət qədər güclü və həcmli orduya ehtiyac var. Təbii ki, Gürcüstan ərazisinin bir hissəsi işğal altında olsa da, ölkənin ərazisi və insan resursları baxımından vəziyyət fərqlidir. Onlar tamamilə fərqli ordu modelinə keçmək istəyirlər. Amma hər hansı təhdid yaranacağı təqdirdə Gürcüstanın özünü nə qədər qoruya biləcəyi əsas suallardan biridir. Biz görürük ki, Ermənistan da hələ bu tip ordu modelinə keçmir. Türkiyədə isə insan resursu çoxdur və buna görə də Türkiyə bu modelə keçə bilər. Amma Azərbaycanda insan sayının azalması, yaxud doğum səviyyəsinin aşağı düşməsi ilə bağlı məsələlər var.

Hazırkı mərhələdə dünyadakı prosesləri nəzərə aldıqda, hələ də çağırışçıların qalması və bu sistemin davam etdirilməsi doğru yanaşmadır. Ancaq müəyyən müddətdən sonra peşəkar ordu modelinə keçid məsələsini həll etmək mümkündür. Real vəziyyət isə ondan ibarətdir ki, peşəkar ordu modeli o qədər də effektiv deyil”.]]> https://bizimhedef.com/index.php?newsid=56983 https://bizimhedef.com/index.php?newsid=56983 56983 Thu, 17 Sep 2026 15:24:05 +0400 native-yes

Azərbaycan Prezidenti İlham Əliyev və birinci xanım Mehriban Əliyeva sentyabrın 17-də Şamaxıda "Pirqulu Park" hotelinin açılışında iştirak ediblər.
Bu barədə Prezidentin Mətbuat Xidməti məlumat yayıb.]]> https://bizimhedef.com/index.php?newsid=56982 https://bizimhedef.com/index.php?newsid=56982 56982 Thu, 17 Sep 2026 14:47:28 +0400 native-yes

Azərbaycan Respublikasının Prezidenti İlham Əliyev və birinci xanım Mehriban Əliyeva sentyabrın 17-də Şamaxıda “Meysari Grand Hotel & SPA” kompleksinin açılışında iştirak ediblər.

Bu barədə Prezidentin Mətbuat Xidməti məlumat yayıb.]]> https://bizimhedef.com/index.php?newsid=56966 https://bizimhedef.com/index.php?newsid=56966 56966 Thu, 17 Sep 2026 14:22:36 +0400 native-yes

Son 10 gün ərzində təxminən 100 min özbək Rusiyanı tərk edib. Bu barədə Özbəkistan Miqrasiya Agentliyi məlumat yayıb.

“2026-cı il avqustun 25-dən sentyabrın 5-dək Özbəkistanın 96 415 vətəndaşı Rusiyadan vətənə qayıdıb. Onlardan 54 885 nəfəri birbaşa Rusiyadan, digər 41 530 vətəndaş isə Qazaxıstan vasitəsilə geri dönüb”, - məlumatda qeyd olunur.

İqtisadçılar bu axını eyni vaxtda bir neçə amillə – Rusiyada aşağı əmək haqları, ölkədəki qeyri-sabit vəziyyət və təhlükəsizlik təhdidləri ilə əlaqələndirirlər.

Bəs hazırda azərbaycanlı miqrantların durumu necədir, onların da geri köçü başlaya bilərmi?

Mövzu ilə bağlı iqtisadçı Natiq Cəfərli Musavat.com-a danışıb: "Özbəkistanın əhalisi 37 milyondursa, 100 min nəfərin ölkəni tərk etməsi ümumi əhali ilə müqayisədə faiz nisbətində o qədər də böyük rəqəm deyil. İkincisi, Özbəkistandan gedən miqrantlardan fərqli olaraq, azərbaycanlıların bir çoxu artıq Rusiya vətəndaşıdır. Onlar artıq miqrant deyil, vətəndaşdırlar və Rusiyada yaşamaq, oranın qanunlarına tabe olmağı özləri seçiblər.

Bizim üçün daha çox maraqlı olan bir neçə yüz min nəfərlik qrupdur. Dəqiq rəqəmlərlə bağlı müxtəlif məlumatlar var – 200 min, 300 min, hətta yarım milyon deyənlər də var. Söhbət Rusiya ərazisində yaşayan və işləyən Azərbaycan vətəndaşlarından gedir. Onların bir qismi Rusiyada rəsmi icazə ilə, bir qismi isə icazəsiz çalışır. Məhz həmin insanlarla bağlı müəyyən problemlər yaşana və onların Azərbaycana geri dönüşü məsələsi gündəmə gələ bilər”.

İqtisadçıya görə, Rusiyada miqrantlara qarşı münasibətin daha da sərtləşməsi ilə həmin insanların Azərbaycana geri qayıtması məsələsinin gündəmə gəlməsi istisna edilmir: “Müharibə qızışdıqca Rusiyada miqrantlara qarşı çox sərt, hətta həddindən artıq qeyri-etik və qeyri-insani mövqe nümayiş etdirilir. Özbəklərin Rusiyadan köçməsi səbəblərindən birinin məhz bu cür münasibət olduğu bildirilir.

Amma bu proses zamanı da biz bir məqamı nəzərə almalıyıq. Zaman-zaman Rusiyada miqrantlarla bağlı problemlər yaşananda görürük ki, oradakı azərbaycanlılar Rusiyanı tərk etdikdə Azərbaycanı sonuncu seçim kimi nəzərdən keçirirlər. Onlar Qazaxıstana, Özbəkistana, Qırğızıstana, hətta Belarusa köçərək orada iş və yaşayış imkanları axtarırlar. Yəni, Rusiyada miqrantlara qarşı qeyri-etik və sərt davranışlar artanda biz bu tendensiyanı zaman-zaman müşahidə etmişik.

Amma məsələnin daha dərin tərəfinə baxsaq, düşünürəm ki, bu, Azərbaycan üçün problem olmamalıdır. Əksinə, biz bunu nə qədər problem kimi qəbul etsək, Rusiya bundan bir o qədər təzyiq vasitəsi kimi istifadə edə bilər. Azərbaycanın onsuz da əhalisinin artım tempi zəifləyir, doğum səviyyəsi azalır, demoqrafik artımda da azalma müşahidə olunur. Bizə əhali lazım olacaq. Əgər Rusiyada yaşayan soydaşlarımız geri qayıdırsa və qayıtmaq istəyirlərsə, bu, bizim üçün müsbət haldır”.

Natiq Cəfərli hesab edir ki, Rusiyadan geri qayıdan azərbaycanlıların Qarabağ və Şərqi Zəngəzurda məskunlaşdırılması, onların biznes, iş və fermer təsərrüfatı ilə məşğul olmaları üçün şərait yaradılması Azərbaycan iqtisadiyyatına müsbət təsir göstərə bilər: “Məsələn, 100 min azərbaycanlı geri qayıdacaqsa, bundan istifadə etmək lazımdır. Onların Qarabağda və Şərqi Zəngəzurda yerləşdirilməsi, işğaldan azad olunmuş ərazilərdə məskunlaşmasına şərait yaradılması, biznes, iş və fermer təsərrüfatı ilə məşğul olmalarına imkan verilməsi Azərbaycan üçün ciddi iqtisadi nəticələr yarada bilər. Bu prosesdən qorxmaq yox, onu fürsətə çevirmək lazımdır”.

"Bəs ümumiyyətlə, Azərbaycan indidən Rusiyadan gələcək miqrantların geri dönüşünə hazır olmalıdırmı, bu istiqamətdə hazırlıq görülməlidirmi" suallarına isə iqtisadçı bu cür cavab verib:

“Əlbəttə. Biz bunu həmişə fikrimizin bir küncündə saxlamalıyıq. Çünki Rusiyanın "sağı-solu" bəlli olmaz. Rusiyada müharibə dayansa belə, daxildə düşmən axtarışı prosesi davam edə, ölkə daxilində yaranan problemlərin miqrantların üzərinə atılması cəhdləri ola bilər. Rusiyada Duma seçkiləri keçiriləcək. Seçkilər zamanı parlamentə düşmək istəyən müxtəlif partiyaların çıxışlarında antimigrant mövqelər də müşahidə olunur. Populist çıxışlarda miqrantlara qarşı sərt ifadələrdən istifadə edilir. Bu da onu göstərir ki, Rusiyada miqrasiya məsələsi gələcəkdə daha da aktuallaşa bilər. Əgər belə olacaqsa, deməli, Azərbaycan indidən buna hazır olmalıdır”.]]> https://bizimhedef.com/index.php?newsid=56981 https://bizimhedef.com/index.php?newsid=56981 56981 Thu, 17 Sep 2026 14:12:03 +0400 native-yes

“Bakının eyni günlərdə iki mühüm tədbirə ev sahibliyi etməsi təsadüfi uyğunluqdan daha böyük məna daşıyır”

Azərbaycan Respublikası Milli Məclisin deputatı Kamaləddin Qafarov mətbuata açıqlamasında belə deyib.

O, bildirib ki, Türk Dövlətləri Təşkilatının Müsəlman Dini Rəhbərləri Şurasının toplantısı ilə Seyid Yəhya Bakuviyə həsr olunan beynəlxalq konfransın bir məkanda keçirilməsi Azərbaycanın mənəvi dəyərlərə, tarixi irsə və sivilizasiyalararası dialoqa münasibətini nümayiş etdirir. “Prezident İlham Əliyevin nümayəndə heyəti ilə görüşdə səsləndirdiyi fikirlər də bu yanaşmanın məzmununu aydın şəkildə ortaya qoydu. Azərbaycanın çoxəsrlik tarixində elə şəxsiyyətlər yetişib ki, onların irsi yalnız milli sərvət deyil, bütövlükdə Şərq və İslam mədəniyyətinin mühüm hissəsidir. Nizami Gəncəvi, Nəsimi, Yəhya Bakuvi və Füzuli kimi dühaların irsi bu gün də aktuallığını qoruyur. Prezidentin Yəhya Bakuvinin irsini xatırlatması Azərbaycanın mənəvi xəzinəsinin müxtəlif xalqları və nəsilləri birləşdirən ümumbəşəri dəyərlərlə zəngin olduğunu göstərir.”

Millət vəkili qeyd edib ki, Türk dünyası ilə Qafqaz arasında tarixi bağlılığın vurğulanması xüsusi əhəmiyyət daşıyır: “Azərbaycan bu iki məkanın kəsişməsində yerləşən və hər iki istiqamətlə sıx münasibətlər quran ölkədir. Qədim Qafqaz Albaniyasının Azərbaycan ərazilərində mövcudluğu, Atabəylər dövlətinin Naxçıvanla bağlı tarixi və bu gün Azərbaycanın TDT-dəki fəal mövqeyi ölkəmizin regional əlaqələndirici rolunun əsaslarını göstərir. Prezident İlham Əliyevin çıxışında sülh, əməkdaşlıq və həmrəyliyin xüsusi yer tutması Azərbaycanın İslam dünyasına münasibətində ardıcıllığı göstərir. Azərbaycan 2017-ci ildə IV İslam Həmrəyliyi Oyunlarını keçirərək idmanı xalqları yaxınlaşdıran vasitəyə çevirib. Gələn il İslam Əməkdaşlıq Təşkilatının Zirvə Görüşünün Bakıda keçirilməsi də ölkəmizə göstərilən etimadın ifadəsidir. Azərbaycanın müxtəlif platformalarda birləşdirici mövqe nümayiş etdirməsi bu etimadın mühüm səbəblərindəndir. Görüşdə dini liderlərin sülhün təşviqində məsuliyyətinə diqqət yönəldilməsi də mühüm mesajdır. Dini liderlərin barışıq və əmin-amanlıq çağırışları böyük təsir gücünə malikdir. İslam həmrəyliyinin yalnız sözlə deyil, əməli addımlarla möhkəmləndirilməsi Prezident İlham Əliyevin yanaşmasının əsas cəhətlərindəndir. Nümayəndə heyətinin Qarabağa səfəri görüşün mənəvi yükünü daha da artırır. Ağdam, Xankəndi, Xocalı və Şuşada həm işğalın ağır nəticələrini, həm də bu gün aparılan genişmiqyaslı quruculuğu görmək mümkün olacaq. Dağıdılmış yaşayış məntəqələri, məscidlər və mədəni irs nümunələri keçmişin acı həqiqətlərini göstərdiyi halda, yeni şəhərlər və qayıdan insanlar Azərbaycanın yaratdığı reallığı nümayiş etdirir. Bu gün Qarabağ və Şərqi Zəngəzurda həyatın bərpa olunması, “Böyük Qayıdış” proqramının həyata keçirilməsi Azərbaycanın tarixi torpaqlarında normal həyat mühitini də bərpa etdiyini göstərir. Bakıda keçirilən tədbirlər Azərbaycanın öz tarixi-mədəni irsinə sahib çıxan, Türk dünyasını və İslam aləmini birləşdirən, Qafqazda sülh və əməkdaşlığın möhkəmlənməsinə töhfə verən dövlət kimi mövqeyini daha aydın göstərir”.]]> https://bizimhedef.com/index.php?newsid=56980 https://bizimhedef.com/index.php?newsid=56980 56980 Thu, 17 Sep 2026 13:55:14 +0400 native-yes

Ölkələrimizdə (TDT ölkələrində - red.) milli prinsiplər, milli özünüdərk prinsipləri bəzən bizə kənardan təlqin etməyə çalışdıqları digər prinsiplərdən üstündür.

Bu sözləri Prezident İlham Əliyev TDT-yə üzv ölkələrin təhlükəsizlik üzrə rəhbər şəxslərini qəbul edərkən deyib.

Dövlətimizin başçısı, həmçinin qeyd edib: “Gənc nəslin ölkələrimizdə vətənpərvərlik, milli prinsiplərə və mənəvi dəyərlərimizə sadiqlik ruhunda tərbiyə olunması da çox vacibdir. Bu kontekstdə, əlbəttə, bu, TDT-nin fəal çalışmalı olduğu geniş sahədir, o cümlədən gənclər siyasəti ilə bağlı tədbirlər çərçivəsində”.]]> https://bizimhedef.com/index.php?newsid=56979 https://bizimhedef.com/index.php?newsid=56979 56979 Thu, 17 Sep 2026 13:51:40 +0400 native-yes

Nazirlər Kabineti “Azərbaycan Respublikası Strateji Obyektlərin Mühafizəsi Dövlət Agentliyinin əməkdaşlarının sağlamlığının mühafizəsi ilə əlaqədar bir sıra məsələlərin tənzimlənməsi” haqqında qərar verib.

Qərara əsasən, Azərbaycan Respublikası Strateji Obyektlərin Mühafizəsi Dövlət Agentliyinin əməkdaşlarına (pensiyaya çıxmış əməkdaşlar da daxil olmaqla) və onların ailə üzvlərinə tibbi xidmətin göstərilməsi, o cümlədən xəstəliklərin profilaktikası, ilkin tibbi-sanitariya yardımı, təcili və təxirəsalınmaz tibbi yardım, ambulator-poliklinik və stasionar tibbi yardım, onların tibbi reabilitasiyası və sağlamlaşdırılmasının təmin edilməsi Daxili İşlər Nazirliyi tərəfindən həyata keçiriləcək.

Maliyyə Nazirliyi bu Qərarın icrası ilə əlaqədar müvafiq vəsaitlərin hər il növbəti ilin dövlət büdcəsi layihəsinin tərtibi zamanı Azərbaycan Respublikası Strateji Obyektlərin Mühafizəsi Dövlət Agentliyinin Azərbaycan Respublikasının Daxili İşlər Nazirliyi ilə razılaşdırılmış təklifləri əsasında Azərbaycan Respublikası Daxili İşlər Nazirliyinin saxlanılması xərclərinin tərkibində nəzərdə tutulmasını təmin etməli və bu Qərardan irəli gələn digər məsələləri həll etməlidir.

Bu Qərar 2027-ci il yanvarın 1-dən qüvvəyə minir.]]>